پاکستانی اداکارہ صبا قمر نے ساحل کے کنارے سالگرہ کا کیک کاٹ کر تصاویر سوشل میڈیا پر شیئر کی۔
فاسٹ نیوز ڈیجیٹل کی رپورٹس کے مطابق:
فوٹو اینڈ ویڈیو شیئرنگ ایپ انسٹاگرام پر صبا قمر نے پوسٹ شیئر کی جس میں انہیں 41ویں سالگرہ کی پُرسکون یادوں سے سوشل میڈیا پر رونق لگائے دیکھا گیا۔ان جھلکیوں میں صبا قمر نے اپنی سالگرہ کے دن کی مناسبت سے منفرد نظر آنے کیلئے سیاہ باڈی کون ڈریس کا انتخاب کیا جو رات کی تاریکی میں انہیں مزید حسین بنارہا تھا
صبا قمر کا شمار ان ورسٹائل شخصیات میں کیا جاتا ہے جو اپنی زندگی کا ہر لمحہ کھل کر جینے کی امنگ لیے پیدا ہوتی ہیں،ایسا ہی کچھ انکی سالگرہ کے حالیہ جشن میں دیکھنے کوملا جب انہوں نے ساحل کنارے پرسکون ماحول میں سالگرہ منانے کا فیصلہ کیا۔
دلکش تصاویر شیئر کرتے ہوئے صبا قمر نے کیپشن میں جنم دن کی تاریخ 5 اپریل واضح کرتے ہوئے لکھا کہ،‘ایسی سالگرہ جو دل کو زندگی بھر کے لیے مکمل کردے
اس خاص دن کو یادگار بنانے کیلئے سپر اسٹار کیلئے ساحل کی ریت پر خوبصورت سیٹ اپ سجایا گیا۔ سالگرہ کے کیک کیساتھ کینڈل لائٹ ڈنر کا بھی اہتمام تھا، جبکہ ان جھلکیوں میں اداکارہ سادگی اور سکون کو ترجیح دیتی ہوئی نظر آئیں۔
صبا کے اس انداز نے صرف فالوورز کو ہی متاثر نہیں کیا بلکہ شوبز انڈسٹری کے کئی ستارے بھی ان کے اس خاص دن پر محبت اور نیک خواہشات کا اظہار کرتے دکھائی دیے۔
اداکارہ سے محبت کرنے والوں کی اس طویل فہرست میں بھارتی اداکارہ ہمانشی کھرانہ بھی شامل تھیں جنہوں نے صبا کو اپنی پسندیدہ اداکارہ قرار دیا جبکہ پاکستانی ڈراما انڈسٹری کے فنکاروں کی جانب سے برتھ ڈے گرل کو سپر اسٹار، گورجیس، اور بترین دوست جیسے القابات بھی دیے گئے۔
صبا قمر نے اپنے کریئر کا آغاز:
صبا قمر نے اپنے کریئر کا آغاز 2004ء میں کیا اور پھر اداکاری کی دنیا میں قدم جمانے کے بعد کبھی پیچھے مڑ کر نہ دیکھا۔
انہوں نے نہ صرف پاکستان بلکہ بھارت میں بھی اپنی اداکارانہ صلاحیتوں کا لوہا منوایا ہے۔صبا قمر کے مقبول ڈراموں کا سلسلہ خاصہ طویل ہے صبا قمر نے پاکستانی فلم اور بھارتی فلموں میں بھی کام کیا
سوشل میڈیا پر بھی خاصا متحرک رہتی ہیں
